Отправлено 09 марта 2014 - 14:09
Arif qardaşım, əs-salamu aleykum. Allah razı olsun qardaşım. Sizinlə tamamilə razıyam və əlhəmdulilləh mövzunu düzgün başa düşmüsüz. Həqiqətən də təfəkkürün insanlara faydası çoxdur. Məsələyə dar çərçivədən baxmamalıyıq. Hər birimizin müstəqil düşünmə imkanımız var. Təfəkkür etmək alimlərin sözünü inkar etmək deyil. Əksinə, alimlər cəhalətimizin qaranlığına işıq tuturlar.O işığa doğru getmək, irəliləmək lazımdır. Onların (r.a) fikirlərini həqiqətən də başa düşməyə cəhd etmək lazımdır. İnsan təfəkkür etdiksə beyni açılır. Özü üçün müxtəlif dəlillər kəşf edir, güclənir.Dəlilləri daha dərindən öyrənir. Özü müxtəlif məsələlər üçün müxtəlif misallar çəkməyi öyrənir. Təfəkkür nəticəsində əldə etdiyi bir fikir başqa fikir üçün müqəddimə olur. Dağınıq fikirlərini toplaya bilir. Tərtibli düşünməyə başlayır.İmanını daha da gücləndirir. İnandığı şeylərə daha böyük yəqinliklə inanmağa başlayır. Bir sözlə.. İnsan düşündükcə, beyninin qatları açıldıqca, bundan qabaq heç nə bilmədiyinin fərqinə varır, yaşadğını, nə üçün yaşadığını, hardan gəldiyini, nə üçün gəldiyini dərk edir. Hara gedəcəyini anlayır, necə getməli olduğunu dərk edir və sonunda dünyasını dəyişir. Bir dəfə verilmiş ömür bəlkə də maddi və ya fiziki məhrumiyyətlərlə keçir, ancaq cahil olmamağın ləzzətini görür.
Bir hadisə yadıma düşdü. İstərdim sizinlə paylaşım. Dövrün iki böyük alimi olur. ( Təəssüf ki, adlarını xatırlamıram ) Uşaqlıq dostu olurlar. Bir yerdə oxuyub, bir yerdə böyüyüblər. Gün gəlir ki, alimlərdən biri can üstündə olur. O biri dostunu ziyarətinə gəlir. Can üstündə olan alim dostundan soruşur ki, " yadındadırmı, tələbəliyə təzə başlamışdıq. Ustad bizə bir məsələ verdi həll edək. Sən həllini tapdın, gözəl izah elədin.Mənə o məsələnin cavabını xatırlat." Alim dostu cavab verir ki, "qardaşım, indi bu məsələ sənin nəyinə lazımdır ki?" . Can üstündə olan alim deyir ki, "bilib getsəm yaxşıdır ya bilməyib getsəm?" . Dostu bilərək dünyanı dəyişməyin yaxşı olduğunu bildirir və məsələnin cavabını deyir. Bundan sonra alim rahat şəkildə dünyasını dəyişir. SubhanAllah! Öyrənmək eşqi belə bir şeydir. ALlah hamımızı elm taliblərindən, elm tələb edənlərdən qərar versin! Amin!
Şiəliyin, yəni, həqiqi islamın üstün cəhəti də budur ki, heç zaman insanlara düşünməyi qadağan etmir.Təəssüflər olsun ki, sizin də buyurduğunuz kimi bizlər düşünmək kimi nemətdən istifadə etmirik. İstifadə etmədiyimiz üçün də düşüncələrimizi tənzimləyə bilmirik. Tənzimləyə bilmədiyimiz üçün də qarşı tərəfi düzgün anlamırıq və mübahisələr yaranır.
Əhsən qardaşım! Allah sizin təfəkkür edərək keçirdiyiniz hər anınızı qəbul eləsin, əcrinizi versin, sizi əhli-beyt(ə) ilə məşhur eləsin. Amiin! Allah sizi müvəffəq eləsin qardaşım. Amma, bir məsələdə bir balaca düzəliş edim icazənizlə. Mən özüm də şagirdəm. Mən hara, ustad olmaq hara? Ancaq iki qardaş kimi söhbətimizi davam etdirə bilərik. Sizdən xahişim isə budur ki, verilən suallar haqqında düşünməkdən əl çəkməyin. Amma, beyninizi də çox yormayın. Arada fasilə verin. Qarşınıza çıxan hansısa bir hadisə, hansısa başqa məsələyə diqqət etməyiniz bu məsələyə işıq tuta bilər. Əgər zərurət yaransa, suallar verin, müzakirə edək inşaAllah.
Сообщение отредактировал N_ن_N: 09 марта 2014 - 14:14
"Nun. And olsun qələmə və qələmə alınanlara!
Məhz Rəbbinin mərhəmətinə görə sən dəli deyilsən.
Şübhəsiz ki, sənin üçün tükənməz bir mükafat hazırlanmışdır.
Həqiqətən də, sən böyük əxlaq sahibisən!
Sən də görəcəksən, onlar da – hansınızın dəli olduğunu.
Şübhəsiz ki, Rəbbin Onun yolundan azanları və haqq yolda olanları daha yaxşı tanıyır.
Elə isə (haqqı) yalan sayanlara güzəştə getmə!
Onlar istəyirlər ki, sən (onlara) güzəşt edəsən, onlar da (sənə )güzəşt etsinlər.
İtaət etmə hər tez-tez and içənə, alçağa, qeybət edənə,söz gəzdirənə, xeyrə mane olana, həddi aşana, günahkara, daş ürəkliyə,(anlamaza və eyni zamanda) əsli-nəsəbi bilinməyən haramzadaya – o (adam) var-dövlət və oğul-uşaq sahibi olsa belə!"
Qələm : 1 - 14.