Şiə alimi ən-Nəcaşi hədisləri rəvayət edənlər haqqında "Ər-Rical" kitabında əl-Mufaddal (yuxarıdakı hədisin rəvayətçisi) haqqında yazır: "Onun baxışları qüsurlu, hədisləri isə dolaşıqdır, onlara əhəmiyyət vermək lazım deyil" (ən-Nəcaşi,"Ər-Rical", 2/359-360).
Əl-Kahbai "Məcmuə ər-Rical" kitabında onun barəsində yazır: "O, hədislərə çox şeylər əlavə edir və həddini aşır. Onun hədislərini rəvayət etmək olmaz" (Əl-Kahbai, "Məcmuə ər-Rical", 6/131).
Əl-Ərdəbili "Cami ər-Ruvat", əl-Hulyi "ər-Rical" və başqaları da onun barəsində elə bu fikirdədirlər (Əl-Ərdəbili, "Cami ər-Ruvat", 2/258-259; əl-Hulyi, "ər-Rical", səh. 258).
İmam Cəfər Sadiqin (ə) ən yaxşı tələbələrindən biri olan, eyni zamanda İmam Musa (ə) dövründə də yaşamış və ondan hədislər nəql etmiş, dövrünün sayılıb-seçilən alimlərindən olmuş bir şəxs haqqında yuxarıda deyilənlər mənim üçün çox qaranlıq qaldı.
Mən bu yazılanların ümumiyyətlə mənbədə olub olmadığının yoxlanmasını qardaşlardan xahiş edirəm. Çünki, Mufaddal haqqında İmam Cəfər (ə), İmam Musa (ə) və İmam Rzadan (ə) nəql olunan rəvayətlərdə çox müsbət fikirlər var. Necə ola bilər ki, şiə alimi onun haqqında neqativ fikirdə olur?