İmam Mehdi (ə.s)-ın anasının adı

“Məhəmməd b. Yəhya və başqaları belə rəvayət edirlər: “Bu, Həsən əlƏsgəridir.
Öz əcəli ilə və yatağında ölmüşdür. Öldüyü zaman, yanında Əmirul –
mömininin xidmətçilərindən və güvənilən adamlarından filankəs və filankəs, qazilərdən
filankəs və filankəs, təbiblərdən filankəs və filankəs var idi. Sonra (Həsən əl-Əsgərinin)
üzünü örtdülər və cənazəni qaldırdılar. Cənazə evin ortasından götürüb atasının dəfn
edildiyi otağa basdırıldı. Dəfn etdikdən sonra bir müddət mirasın paylaşdırılmasına da ara
verdilər. (Çünki) Hamilə olduğu zənn edilən cariyənin (Nərgizin) başında dayananlar, hələ
də gözləməkdə idilər. Lakin cariyənin (Nərgizin) hamilə olmadığı bilindi. Onun hamilə
olmadığını başa düşəndə, (Həsən əl-Əsgərinin) mirası anası və qardaşı arasında
paylaşdırıldı.” (Müqayisə üçün Azərbaycan dilində, “Üsuli kafi” 1-ci cild, səh 900, hədis №
1323
(“Əl-Qeybət” ət-Tusi, səh, 74. “Əl-İrşad” əl-Müfid səh, 345.
“Ə’lamül-vəra” əl-Fədlə ət-Təbərsi, səh, 380. “Əl-Məqalət vəl firəq” Əl- Əş`əri, əl-Qummi
səh, 102

Əliyyən-Nəqinin (ə) bacısı Həkimə xanım belə
rəvayət edir: “(Mehdinin anası sayılan) Nərgizin heç bir hamiləlik əlamətləri yox idi. Bu
məsələ ilə bağlı mən İmam Həsən Əsgəriyə müraciət edərək: “Ey mənim ağam uşaq hansı
qadından anadan olacaqdır? Çünki mən Nərgizdə hamiləlik əlamətlərini görmürəm. İmam
Həsən əl-Əsgəri: “Mehdi, Nərgizdən anadan olacaqdır.” cavab olaraq verdi. Lakin mən
ayağa qalxıb yenə diqqət ilə Nərgizə baxmağa başladım. Amma onda hamiləlik
əlamətlərini görmədim. İmama bu haqda yenə də məlumat verdim. O, (ə) gülərək: “Səhər
sənə bəlli olacaq ki, onun (Nərgizin) uşağı var. Çünki O, Musanın (ə) anasına bənzəyir.
Çünki Musa (ə) anasının bətnində nə vaxt anadan olacağını gizli qalaraq heç kəs bilmirdi.
Bu gecə doğulacaq uşaq da Musaya (ə) bənzəyir.” dedi.” (Biharul-ənvar, 5-ci cild, səh 12-
14, Kəmalüddin, 2-ci cild, səh 100 – 102

Şeyx Səduq (r.ə) Həkimə (s.ə) xanımın dilindən belə nəql edir:
“Əbu Muhəmməd Həsən ibn Əli (ə) (11-ci imam) ardımca xəbər göndərdi, məni öz evinə çağırıb buyurdu:
-Ey bibi, bu gecə bizimlə iftar et. Çünki şəbanın 15-ci gecəsidir. Bu gecədə Allah Təala öz höccətini yer üzünə göndərəcəkdir.
Ondan soruşdum:
-Anası kimidr?
Buyurdu:
-Nərcis.
Dedim:
-Sənə qurban olum, axı onda hamiləlik əlamətləri yoxdur?
İmam buyurdu:
-Dediyim kimi olacaq.
Buna görə, evə daxil olub, salam verdim. Nərcis xatun irəli gəldi, ayaqqabılarımı cütləyib məndən soruşdu:
-Mənim xanımım, əhvalınız necədir?
Ona dedim:
-Sən mənim və ailəmin xanımısan.
Lakin o, bu sözümdən gileylənib buyurdu:
-Ey bibi siz nə danışırsınız?
Ona dedim:
-Qızım, bu gecə Allah Təala sənə bir oğul verəcəkdir ki, dünya və axirət aləmlərinin ağası olacaq.
O, xəcalət çəkib qızardı. Söhbəti bitirdikdən sonra namazımızı qılıb, iftar etdik və az sonra mən yatdım. Gecə yarısı gecə namazı qılmaq üçün yerimdən qalxdım. Namazımı qıldım. Nərcis xatun yatırıdı. Onda doğrudan da hamiləlikdən heç bir əsər-əlamət görmürdüm. Oturub nafilə namazını da qıldım. Sonra yenə yatağa getdim. Yenidən oyananda o hələdə yatırdı. Mən İmamın bu gecə övlad yolunu gözləməsindən şübhəyə düşdüm. Elə bu zaman İmam Həsən Əsgəri (ə) öz otağından səsləndi:
-Ey bibi tələsmə! Təvəllüd yaxındadır!
Mən oturub Səcdə və Yasin sürələrini oxumağa başladım. Həmin anda o, (Nərcis xatun) nigaran halda yuxudan oyandı. Mən ona yaxınlaşıb dedim:
-Allahın sənə salamı olsun, bir şey hiss edirsənmi?
O, cavabında buyurdu:
-Ey bibi, bəli.
Bu vaxt mən ona dedim:
-Özünü topla, bu mövlud sənə verdiyim müjdədir.
Bu zaman yuxuladığımı hiss etdim. Yuxudan oyananda gördüm ki, üşaq artıq doğulub, Allaha səcdə edir. O, bütün uşaqlardan fərqli olaraq natəmiz deyildi. Bu zaman Əbu Muhəmməd (İmam Həsən Əsgəri) (ə) məni səsləyib buyurdu:
-Ey bibi, oğlumu yanıma gətir.
Mən uşağı yanına apardım. İmam Həsən Əsgəri (ə) dilini onun ağzına qoyub, əlini yavaşca onun gözlərinə, qulaqlarına, dirsəklərinə çəkib buyurdu:
-Oğlum, daniş!
Körpə dilə gəlib cavab verdi:
-Şəhadət verirəm ki, yeganə Allahdan başqa heç bir məbud yoxdur, o, vahiddir, şəriki və oxşarı yoxdur. Şəhadət verirəm ki, Muhəmməd (s) Allahın peyğəmbəridir...
Sonra Əmirəl-mö`minin Əlini (ə) və ardıyca digər imamları salamladı.

İmam Həsən Əsgərinin (ə) bibisi Həkimə (s.ə.) xatunun nəql etdiyi rəvayət çox mötəbərdir.