Ən çox sevdiyiniz Qur`an ayələri

As-Salamu Aleykum Va Rahmatullahi Va Barakatuh.

Təbii ki, Quranın ayəsi və surələri dərin bir elm xəzinəsidir və hər birinin özünün ayrılıqda ibadətdə və imanın möhkəmləndirilməsində yeri var. İslam dinində yeni olduğum üçün, hal-hazırda ancaq Ayətül-Kürsi ayəsini Allahın izni və lütfi sayəsində öyrənmişəm və bu ayənin necə də əzəmətli olduğunun hər bir zaman şahidi oluram. Allahın izni, köməkliyi və lütfü sayəsində, bacardığım qədər namazdan öncə və sonra Ayətül-Kürsini oxumaq mənim üçün çox vacib hal alıb.

Sevdiyim surə isə təbii ki, An-Nasdır. Mən bu surəyə qulaq asdıqda, daxili dünyam silkələnir. Bundan savayı, Al-Fatiha, Al-Asr və Al-İxlas surələri də mənim ibadətimdə əsas yer tutur. Allahın izni və lütfü ilə, An-Naba surəsini öyrənirəm. Bəzi alimlərin gümanına əsasən bu surə qəbir əzabının azaldılmasında da rol oynayır. Ondan sonra isə Quranın ürəyi hesab olunan Ya Sin surəsini öyrənəcəm, İnşa`Allah.

Allah izin verdiyi qədər, Qurani-Kərim dünyasını səyahət edəcəm, inşa`Allah.

Allah imanımızı əlimizdən almasın, İnşa`Allah.

Allah amanında.

Bütün hamısını...

"Həqiqətən sizin başçınız və işlərinizin ixtiyar sahibi yalnız Allah, Onun peyğəmbəri və iman gətirənlər – namaz qılıb rüku halında zəkat verən kəslərdir" (Maidə 55)

Bu bölmədə yalnız Azərbaycan dilində yazmaq olar.

Hər bir kəs (canlı) ölümü dadacaqdır. Şübhəsiz ki, mükafatlarınız qiyamət günü tamamilə veriləcəkdir. Oddan (Cəhənnəmdən) uzaqlaşdırılıb, Cənnətə daxil edilən kimsə muradına çatacaqdır. Dünya həyatı isə aldadıcı həzdən (əyləncədən) başqa bir şey deyildir. Ali-İmran, 185

Hər bir kəs (hər bir canlı) ölümü dadacaqdır. Sonra da (qiyamət günü) hüzurumuza qaytarılacaqsınız! Ənkəbut, 29

Hər bir kəs (hər bir canlı) ölümü dadacaqdır. (Dözüb-dözməyəcəyinizi, şükür edəcəyinizi, yaxud nankor olacağınızı) yoxlamaq məqsədilə Biz sizi şər və xeyirlə (xəstəlik, yoxsulluq, ehtiyac və sağlamlıq, var-dövlət və cah-cəlalla) imtahana çəkərik. Və siz (qiyamət günü əməllərinizin əvəzini almaq üçün) ancaq Bizim hüzurumuza qaytarılacaqsınız! Ənbiya, 35

Rəbbini həmd-səna ilə təqdis et (Onu bütün naqis sifətlərdən uzaq tutub pak bil, “Sübhanəkə Allahümmə və bihəmdikə” kəlməsini de) və Ondan bağışlanmağını dilə. Həqiqətən, O, tövbələri qəbul edəndir!
Nəsr surəsi

رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي ۚ رَبَّنَا وَتَقَبَّلْ دُعَاءِ

Ey Rəbbim! Məni də, nəslimdən olanları da (vaxtlı-vaxtında, lazımınca) namaz qılan et. Ey Rəbbimiz! Duamı qəbul buyur! (İbrahim, 40)

Qunutda oxumaq üçün gözəl ayədir. Tövsiyə edərdim.

رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي ۚ رَبَّنَا وَتَقَبَّلْ دُعَاءِ

Ey Rəbbim! Məni də, nəslimdən olanları da (vaxtlı-vaxtında, lazımınca) namaz qılan et. Ey Rəbbimiz! Duamı qəbul buyur! (İbrahim, 40)

Qunutda oxumaq üçün gözəl ayədir. Tövsiyə edərdim.

Rabbiəc'əlni mugiməssaləti wa min zurriyyəti, Rabbənə watagabbəl dua.

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

Rabbənəğfirli wa li validəyyə wa lil mumininə yəvmə yəgumul hisəəb.

Ey Rəbbim! Haqq-hesab çəkilən gün (qiyamət günü) məni, ata-anamı və möminləri bağışla!”

Сообщение отредактировал Ehli beyt ashigi: 02 июля 2011 - 16:03