Hədis Usuli Kafidəndir.Sözün açığı mən təəcübə gəldim bu hədisi oxuyanda və məndə belə bir sual yarandı.Bəyəm imamlar öz həyatlarını qorumaq üçün caamatı ixtilafa salmalı idilər???
Niyə öz həyatlarını?
İmam Sadiqə(ə) 4 nəfər ayrı-ayrılıqda yaxınlaşır dəstəmaz barədə sual verirlər ki, hərəsinə bir başqa cür cavab verir. Səhabə hamı gedəndən soruşur ki, hansı düzdü axı bunların? Cavab verir ki, düzü sən bildiyindir. Soruşur bəs niyə belə cavab verdiniz onlara. Buyurur ki, onlar hərəsi bir sünnü məntəqəsində yaşayırlar. Orada biz aldığımız dəstəmazı alsalar canları təhlükəyə düşər.
Başqa bir rəvayət də İmam Museyi Kazimdəndir(ə). İmamın(ə) yaxın şiələrindən olan Əli ibn Yəqtin Harunun vəziri seçilir. Seçilməmişdən İmamdan(ə) məsləhət də alır ki, İmam(ə) buyurur ki, get və şiələrə orada xidmət elə. Haşiyə olaraq deyim ki, o bu vəzifədə olaraq neçə nəfər şiənin köməyinə çatıb və s ki, necə xidmətlər etdiyi barədə burada qeyd etməyə lüzum yoxdur. Xülasə.
Bir gün Əli ibn Yəqtin İmama(ə) məktub yazır ki, öz dəst-xəttinizlə mənə düzgün dəstəmaz almağı yazın göndərin. Çünki biz şiələrin arasında bəzi fikir ayrılıqları mövcuddur. İmam Museyi-Kazim(ə) ona cavab məktubunda buyurur:
"Ey Əli, sən bu gündən belə dəstəmaz al:
1. 3 dəfə ağzına su alıb ağzını yu.
2. 3 dəfə burnuna su alıb burnunu yu.
3. 3 dəfə üzünü yu
4. 3 dəfə qollarını sağ qoldan başlamaqla aşağıdan yuxarı yu.
5. Bütün başına məsh et və qulaqlarına da.
6. Sonda ayaqlarını sağ ayaqdan balmaqla yu.
Bu yazdıqlarımla da heç vaxt müxalifət etmə!
Məktubu ki, Əli ibn Yəqtin şiələrlə bir yerdə oxuyur hamının təəccübünə səbəb olur. Amma Əli ibn Yəqtin bururur ki, İmam(ə) bizdən daha yaxşı bilir. Beləliklə, Əli ibn Yəqtin bütün şiələrin dəstəmazlarının əksi olan sünni dəstəmazı ilə namazlarını əda edir.
Sual yarana bilər ki, İmam(ə) niyə belə etdi? Cavabı isə budur ki:
Elə həmin zamanlar imiş ki, Harunun cəsusları hər dəfə Haruna deyirmişlər ki, bəs Əli ibn Yəqtin şiədir və Harun bu məlumatların çoxaldığını görüb saray əyanları ilə məsləhətləşir ki, bəs mən bunu necə araşdırım. Əyanlar cavab verirlər ki, bəs sən onu dəstəmaz alan zaman yaxala. Çünki şiə dəstəmazı sünni dəstəmazından tam fərqlənir. Harun bu fikri bəyənir. Və bir gün namaz vaxtı Harun pərdənin arxasından Əli ibn Yəqtinin dəstəmaz almasını güdür. Amma gözlədiyinin əksinə Əli ibn Yəqtinin sünnilər kimi dəstəmaz aldığını görür. Bunu görəndə Harun ixtiyarsız gizləndiyi yerdən çıxaraq deyir: "Ey Əli ibn Yəqtin! Kim deyirsə ki, sən şiəsən yalan deyir".
Yəni İmam(ə) Əli ibn Yəqtinə sünni dəstəmazını almağı tapşırmaqla ixtilaf salmır. İmam(ə) bunu etməklə onu ölümdən xilas edir. Bu hadisədən sonra Əli ibn Yəqtin İmamdan(ə) yeni bir məktub alır ki, İmam(ə) artıq orada düzgün dəstəmazı ona anladır. Biharul-Ənvar c.48, səh.38
Uzun sözün qısası bu tip hədislər çoxdur şiə kitablarında.
