Böyük Rəhbər Ayətullah Xamenei Tehranda keçirilən beynəlxalq “Silahsız dünya” konfransına müraciətlə bəyanat verib. O, bəyanatda İranın kimyəvi silahların qurbanı olmasını, hər bir ölkədən çox bu kimi silahların istehsalının və saxlanılmasının təhlükəsini hiss etdiyini bəyan edib. Bu haqda “Mehr” agentliyi xəbər yayıb.
Mənbənin məlumatına əsasən, Ayətullah Xamenei bəyanatda nüvə texnologiyasının müxtəlif elmi sahələrdə əhimiyyətinə işarə edərək deyib: “İİR-ın sülhməqsədli nüvə proqramı yönündə bulanıq atmosferin yaradılmasında əsas hədəflərdən biri region ölkələrinin öz sivil və dəyərli hüquqlarına yiyələnmələrinin qarşısını almaqdır ”.
“Dünyanın yeganə atom canisi hazırda yalancasına atom silahlarının inkişaf etdirilməsinə qarşı mübarizə apardığını iddia edir. Lakin bu sahədə heç bir ciddi addım atılmamış və heç vaxt da atılmayavaq. Əgər ABŞ-ın atom silahları ilə əlaqəli mübarizə iddiası yalan olmasaydı, sionist rejimi bu sahədə beynəlxalq qanunlardan, xüsusilə NPT-ni qəbul etməkdən boyun qaçıra, işğal edilmiş Fələstin ərazilərini atom silahalrı anbarına çevirə bilərdimi? ”, -Ali məqamlı rəhbər bildirib.
“İlk dəfə ABŞ dövləti tərəfindən kütləvi qırğın silahları vasitəsilə Xerosima və Naqasakidə tarixdə gorünməmiş insan faciəsi törədilərkən bəşər təhlükəsizliyi böyük təhdidlə üzləşdi”, - o qeyd edib.
“Atom silahlarından istifadə, hətta hədələmə bariz hummanist qanunları tapdamaq və müharibə cinayəti sayılır”, - Ayətullah Xamenei deyib.
“Biz bu silahlardan istifadə edilməsini haram hesab edirik”, - İİR ali dini lideri bildirib. /haqqyolu/
